2025 жылғы 15 қыркүйекте Жылу оқшаулағыш материалдарын өндірушілер қауымдастығының басшысы Рахимов Е.Е. мен «Электр энергетикасын дамыту және энергия үнемдеу институты (Қазахэнергоэкспертиза)» АҚ басқарма төрағасы Абаканов Е.Н. арасында жұмыс кездесуі өтті.

Аталған кездесу 2025 жылғы 3–5 қыркүйек аралығында Алматы қаласында өткен KazBuild 2025 атты 31-ші Халықаралық құрылыс көрмесі аясында басталған диалогтың логикалық жалғасы болды. Дәл осы іс-шара барысында Қауымдастықтың құрылуы ресми түрде жарияланған болатын.

Кездесу барысында Қазақстандағы энергия тиімді технологияларды дамыту мен жылу оқшаулауды қолдану мәдениетін жетілдіруге әсер ететін бірқатар өзекті мәселелер талқыланды, атап айтқанда:

• • энергия үнемдеу және энергия тиімділігі саласындағы нормативтік-құқықтық актілерді жаңарту қажеттілігі;
• заманауи технологиялық шешімдерді ескере отырып, ұлттық стандарттарды дамыту;
• жобалаушылар мен тұтынушылардың заманауи жылу оқшаулағыш материалдар туралы ақпараттандыру деңгейінің төмендігі;
• құрылыс саласының көптеген сегменттерінде, әсіресе жекеменшік секторда, энергия тиімділігіне қойылатын міндетті талаптардың болмауы;

Кездесу қорытындысы бойынша келесі келісімдерге қол жеткізілді:

• Қыркүйек айының соңына дейін Қауымдастық пен Институт арасында үш жылдық ынтымақтастық туралы келісімге қол қою;
• Жылу оқшаулау саласындағы мәселелерді қарастыруға Қауымдастық сарапшыларын тарту;
• Нормативтік-құқықтық базаны халықаралық стандарттар мен инновациялық технологияларға сәйкес келтіру мақсатында бірлесіп өзгерістер енгізу жұмыстарын бастау;
• Мамандар мен жалпы жұртшылық арасында заманауи жылу оқшаулағыш шешімдерді насихаттау;
• Қауымдастық өкілдерін «Энергия үнемдеу, энергетика мен жылутехникада энергия тиімділігін арттыру» жөніндегі техникалық стандарттау комитетінің құрамына енгізу.

Қауымдастық қол жеткізілген келісімдер Қазақстандағы энергия тиімділігі саласының тұрақты дамуына бағытталған маңызды қадам болады деп сенеді.