Қауымдастық ҚР Өнеркәсіп және құрылыс министрлігінің Құрылыс және тұрғын үй-коммуналдық шаруашылық комитетіне жылу оқшаулағыш материалдарды өндіруді және қолдануды реттейтін ҚР Құрылыс нормалары мен Қағидалар жинағына өзгерістер мен толықтырулар енгізу жөніндегі ұсыныстар топтамасын жолдады.

Бұл ұсыныстар Қауымдастықтың Техникалық жұмыс тобының ауқымды жұмысының нәтижесі болып табылады. Жұмыс тобына отандық жетекші мамандар мен халықаралық сарапшылар енді. Талқылау барысында нарықтың өзекті қажеттіліктері, технологиялық кедергілер, халықаралық стандарттар мен озық тәжірибелер жан-жақты сарапталды.

Ұсынылып отырған түзетулер Қазақстандағы бәсекеге қабілетті, технологиялық және ашық жылу оқшаулағыш материалдар нарығын қалыптастыруға бағытталған.

Қауымдастық нормативтік базаны жетілдіру жұмыстарын жалғастырып, құрылыс саласындағы жоғары стандарттарды қолдауға және елдің энергия тиімділігі мен тұрақты дамуы жөніндегі мақсаттарына үлес қосуға ниетті.

Құрылыс материалдары нарығын заманауи, тұрақты және бәсекеге қабілетті етеміз!